Општинската администрација во периодот ноември 2009-јануари 2010 работеше на подготовка на Мапа на општина Делчево со претставување на позначајните културни, историски и природни знаменитости како потенцијални туристички локалитети .

Покрај ова мапата содржи и презентација на урбаниот опфат на градот Делчево со сите населби, индустриски зони и позначајни институции од јавен интерес. За печатење на мапата беше изберена фирмата ДОО „Тримакс“ и истата е испечатена во 2000 примероци со средства обезбедени од општинскиот буџет. Мапата е двојазична (македонски/англиски) и ќе биде користена како промотивен материјал за презентација на општина Делчево на саеми и други настани во земјата и странство.