Проблемот со излевање на фекалните води во дворот на детската градинка „Весели цветови“ во Делчево е решен со изградба на 190 метри канализација и приклучување на детската градинка во уличната канализација(колекторот). Овој проект е реализиран во периодот ноември-декември 2009 година со финансиска поддршка од Германската амбасада во износ од 7.300 евра и сопствено учество од 1800 евра. На овој начин е обезбеден подобар квалитет на наставата и престојот во градинката и се елиминирани трошоците за постојани интервенции на застарената канализациона мрежа.

Во периодот ноември-декември 2009 година беа набавени и поставени 23 туристички патоказни знаци за обележување на дел од туристичките локалитети во општина Делчево. Овој проект е спроведен со финансиска поддршка на СНВ, канцеларијата во Штип како следна активност после изработката и усвојувањето на Туристичкиот Акционен План за микрорегионот Пијанец-Малеш.