Градежни работи

*редовно обновување и целосна замена на хоризонталната и вертикалната сигнализација по европски стандарди, поставување на семафорни лантерни на раскрсницата на улиците Булевар Македонија и Индустриска во Делчево

*Следни чекори на проектни активности во ова основно училиште се поставувањето на соларни колектори за добивање на топла вода за потребите на училиштето св. Климент Охридски.

*Аплициран е проект за доизградба и ставање во функција на таванските простории на училиштето за потребите на ликовните секции и адаптација на овој простор во атрактивен простор за креативно уметничко творење.

*Планирано е изградба на улици во должина од 2000 м' во руралните средини и населбите кои гравитираат кон Делчево

*Целосна замена на цемент-азбестните цевки со посебен акцент на доводната мрежа од с.Тработивиште и аплицирање на проект за пречистителна станица за водоснабдување на вода за пиење во Општината. Се подготвува апликација за програмата ОРИО во соработка со Владата на Р.М.

*Завршување на канализационата мрежа во с.Габрово и населба Ѕвегорска Река во 2010 год.

*Изградба на канализациона мрежа во с.Град и с.Вирче во 2011 год.

*Изградба на колектор за отпадни води од с.Ѕвегор до Делчево

*Две улици се ставени како приоритети за целосна реконструкција во 2010 год.и е предвидено континуирано асфалтирање на сите улици во општината по приоритетна листа која е донесена од партиципативното тело

*до истекот на 2013 год. планирана е комплетна изградба на тротоарите од двете страни на улицата Индустриска во Делчево, како и улиците М.Тито во правец на населба Стар Монопол, тротоар и пешачка патека до спортскиот центар во градот и тротоари до село Ѕвегор

*во периодот 2010-2013 год. е планирано реконструкција на неколку простории и нивно уредување за потребите на ЕЛС Делчево.

Локален економски развој 

1.Отварање на индустриска зона и изградба на комунална инфраструктура во истата

Во фаза на аплицирање на проекти за инфраструктурно уредување на две индустриски зони.Рок за реализација е 2012 год.Потоа следува поставување на канализациона и водоводна мрежа, асфалт како издавање на потребната документација за поставување на трафостаница

1.Создавање на услови за развој на мали и средни претпријатија во Општината

*Во подготовка е отварањето на Бизнис центар за потребите на бизнис секторот во соработка со Владата на Р.М. По неговото отварање потоа следуваат превземање на мерки и активности за вмрежување на сопствениците на локални претпријатија со бизнис заедниците од збратимените градови од Бугарија, Турција, Србија, Полска и Украина.

Уредување на улично осветлување, информатички развој 

*Осветлувањето во селските средини од живино ке биде заменувано со неонско и диодно.Во 2010 год. ке се направи замена на уште 90 улични светилки со нови тела со натриумови светилки и континуирано ке бидат заменувани живините светилки со натриумови

*Отварање на бесплатен интернет клуб во почетокот на 2010 год. (општината има обезбедено простор и лица за работа во интернет кафето) по што ке следува отварање на бесплатни интернет кафеа во поголемите селски средини

*Поставување на пристапни точки и бесплатни зони во градот Делчево за интернет пристап на граѓаните во 2010 год.

Социјална заштита

*Изградба на нова социјална зграда на територијата на Општина Делчево за социјално загрозени категории на граѓани и млади брачни парови

*Изградба на пристапни рампи за лица со посебни потреби. Во фаза на изготвување на проект за пристапни рампи во партнерство со општина Гоце Делчев од Р.Бугарија и Источен плански регион од повикот за меѓугранична соработка.

Комунални и Противпожарни работи

*Во соработка со Источниот плански регион канцеларија во Штип и меѓуопштинската соработка со 11 општини од регионот се планира ставање во функција на меѓуопштинско Јавно Претпријатие за третирање на отпадот.

*Активирање на доброволното противпожарно здружение во Делчево и превземање на низа како што е кампања за превенција од пожари, поплави и други елементарни непогоди. Аплицирање кај донатори и соработка со збратимените градови заради размена на искуства и аплицирање кај донатори за обезбедување на опрема. Потесна соработка со ДЗЦ и ЦУК посебно во делот на формирањето на Просторните сили за нивна поголема обученост и ажурност во случај на потреба на нивно ангажирање.