На почетокот дозволете ми да Ве поздравам од мое име и од името на Општина Делчево и да Ви посакам добредојде на официјалниот ВЕБ портал на општината.
Започна изградбата на спортската сала во Делчево
Со поставување на камен-темелникот и со сите верски обреди денеска во Делчево и официјално започна изградбата на училишната спортска сала, како дел од Проектот на Владата за изградба и обновување на 145 спортски сали во државава. Салата е лоцирана во дворот на средношколскиот училишен центар „Методи Митевски - Брицо“. Првите лопати бетон во темелот ги фрлија министерот за образование, Перо Стојановски и градоначалникот на Делчево Горан Малешевски.
- Денеска започнуваме со изградбата на десеттата сала од рамките на Проектот на Владата за изградба на 145 сали со што Владата на РМ ги продолжува напорите кон изградба на вистински личности, личности кои ќе можата да се носат со предизвици во животот и истовремено да го гајат натпреварувачкиот дух бидејќи животот е натпревар, рече Перо Стојановски, министер за образование и наука.
- Делчево одамна има потреба од една ваква функционална спортска сала. Задоволен сум што салата ќе биде завршена во мојот мандат, односно на почетокот на школската година училиштето ќе има спортска сала, сала која ќе биде во функција на сите жители на Делчево, истакна градоначалникот на Делчево, Горан Малешевски.
Инаку, спортската сала е со површина од 1300 м2 и со 400 седишта, а изведувач на работите е ГД „Гранит“. Градежните работи треба да завршат за 4 месеци. Вкупната вредност на проектот кој е еден од најголемите проекти на Владата е 58 милиони евра, а делчевската сала чини 600 илјади евра и е 10-та сала која се гради во Македонија.
