Пристап до финансии во услови на рецесија

 На 16 декември 2009, во Виница се одржа  регионална конференција на финансиската платформа на тема “Пристап до финансии во време на рецесија”, со цел да се информираат компаниите низ Македонија и да ги зголемат своите можности да пристапат до финансии. На оваа конференција зедоа учество претставници на бизнис секторот од општините Делчево, Виница, Пехчево и Берово.

Претставници на водечките македонски банки и финансиски институции, (вклучително и Македонската банка за поддршка на развојот, Hypo Аlpe Аdria, Стопанска банка и штедилницата Можности) ги презентираа своите финансиски производи и услуги за корпоративно финансирање на повеќе од 50 компании од четирите општини. Kонференцијата е организирана од страна на УСАИД Проектот за конкурентност, во соработка со одделенијата за локален економски развој од Делчево, Берово, Виница и Пехчево.

Оваа конференција претставува дел од финансиската платформа на УСАИД Проектот за конкурентност, која им помага на компаниите успешно да ги задоволат финансиските потреби, притоа овозможувајќи раст на бизнисот. Со помош на финансиската платформа на УСАИД Проектот за конкурентност, компаниите развиваат инвестициски стратегии за пристап до голем број на финансиски производи и услуги, вклучително и комерцијални заеми и финансирање со сопственички удел. Понатамошни информации на http://www.mcp.org.mk/

Оваа содржина е заклучена. Не е можно коментирање на оваа статија.