Празнување на "Водици" во Делчево

Во вторникот 19.01.2010 год. на христијанскиот празник Св.Јован Крстител, се одржа традиционалното осветување на водите на река Брегалница и  фрлањето на светиот крст.Овој пресветол чин го изврши неговото првосвештенство  г-дин Атанас Поповски. Најсрекниот помеѓу кандидатите кои учествуваа во фаќањето на светиот крст во водите на река Брегалница во центарот на градот беше Сашко Георгиевски.

Тој помеѓу триесетина верници кои влегоа во студените води на реката ја имаше среќата оваа година да биде носител на крстот. Помеѓу првите кои му честитаа на Сашко беше и Градоначалникот на Општина Делчево г-динот Горан Малешевски, кој присуствуваше на овој значаен настан од верскиот календар на Македонската Православна Црква. Исто така во посета на Делчево беа двајца гости-пратеници во Собранието на Република Македонија: г-дин Цветан Трипуновски и г-дин Зоран Петрески, кои заедно со Градоначалникот и сите граѓани на Општината го проследија овој настан. По завршувањето на овој настан кој го проследија масовно повеќе граѓани на општината, Градоначалникот заедно со гостите-пратеници, ја посетија црквата св.Богородица, каде запалија свеќи и се помолија во чест на овој празник.

На срекниот Сашко Георгиевски, Градоначалникот му подари телевизор, по приемот и краткиот разговор во просториите на ЕЛС. 

Оваа содржина е заклучена. Не е можно коментирање на оваа статија.