На почетокот дозволете ми да Ве поздравам од мое име и од името на Општина Делчево и да Ви посакам добредојде на официјалниот ВЕБ портал на општината.
Свечен настан по повод завршувањето на проектот „Санација на канализација во детска градинка Весели цветови“
На 18.01.2010 година (понеделник) со почеток во 14 часот беше организиран свечен настан по повод завршувањето на проектот „Санација на канализација во детска градинка Весели цветови“.
Проектот беше финансиран од Германската амбасада во Скопје во износ од
7300 евра и кофинансиран од буџетот на општина Делчево во износ од 1800 евра и истиот се спроведуваше во периодот ноември-декември 2009 година.На настанот по повод завршувањето на проектот присуствуваа Градоначалникот на општина Делчево, двајца претставници од Германската амбасада во Скопје, двајца претставници од Центарот за развој на Источниот плански регион со седиште во Штип, изведувачот на градежните работи и вработени во општина Делчево кои беа директно вклучени во имплементацијата на проектот. Настанот започна со прием во канцеларијата на Градоначалникот каде беа разменети информации околу тековниот и можни идни заеднички проекти. Потоа беше посетена детската градинка „Весели цветови“ каде најмалите низ песнички за екологијата ја изразија својата благодарност за решавањето на проблемот на излевање на фекалните води во дворот на градинката. Својата благодарност ја изрази и директорката на детската градинка, г-ѓа Магда Видимлиска со порака за спроведување и на други заеднички проекти.
