Четврта самостојна изложба на Јовица Миленов

Во фоајето на Спомен дом АСНОМ, во Делчево е отворена четвртата по ред самостојна изложба на младиот и талентиран ликовен уметник од нашиот град Јовица Миленов. Неговите уметнички склоности за сликањето датираат од пред 4 години, кога спонтано, од ден во ден и се препушта на магијата на боите и платното.

Изработил над 60-тина дела во повеќе техники, почнувајки од темпера на платно, туш, па сè до јаглен и пирографија која според авторот е "малку потешка за работење, од другите техники". Покрај учеството во групна изложба, за велигденските празници, тој пред некоја година  за прв пат се претстави пред јавноста со своја самостојна изложба, во Делчево. Самостојно излагал и во М.Каменица и во Виница, а се планира во блиска иднина да излага и во Пробиштип и Штип. Неговите дела, веќе успешно се продаваат што е една мотивација повеќе, за активно творење и надоградување на својот талент, на овој наш млад ликовен творец. Изложбата ќе биде отворена до 04 февруари 2010 година a истата е организирана со подршка и во соработка со Општина Делчево и градоначалникот г-дин Горан Малешевски.

Оваа содржина е заклучена. Не е можно коментирање на оваа статија.