Во четврток 04.02.2010. год. во организација на Општина Делчево и Градоначалникот г-дин Горан Малешевски во Делчево се одбележа роденденот на македонскиот револуционер, идеолог и еден од најистакнатите водачи на Македонското револуционерно движење кон крајот на 19-тиот и почетокот на 20-от век на овие простори- Гоце Делчев.

Пред споменикот на Гоце Делчев во центарот на градот се одржа пригодна свеченост на полагање на свежо цвеке и читање на реферат посветен на Гоце од страна на членовите на КУД Гоце Делчев од Делчево. Свежо цвеќе положија претставници од Општина Делчево, советници од Советот на Општина Делчево, претставници на политички партии од Делчево, здруженија на граѓани и други физички и правни лица.

 

  

Во фоајето на Домот за култура Никола Јонков Вапцаров во Делчево, со почеток во 19.30 часот започна Културно-свечената академија организирана од ЕЛС во соработка со Центарот за култура Ниукола Јонков Вапцаров, ОУ Ванчо Прке и ОУ Св.Климент Охридски и Уметници поединци од општината. На почетокот беше изведена химната на Р. Македонија од страна на Детскиот хор при ОУ Ванчо Прке под раководство на наставничката Дафина Христовска, кои подоцна изведоа уште две композиции од нивниот богат репертоар. Потоа поздравен говор пред присутните посетители од името на Советот на Општина Делчево и Градоначалникот , имаше г-дин Тони Трајановски, кој го истакна огромното значење на Гоце Делчев за Р.Македонија воопшто но и за регионот на нашата општина особено. Говорот на Претседателот на Советот може да го преземете во PDF форма тука .

 

Потоа програмата продолжи со читање на поетски творби од автори наградувани од органите на општина Делчево, во минатото преку 70-те и 80-те години на минатиот век, од страна на ученици од литературните секции од ОУ Банчо Прќе и ОУ Св. Климент Охридски, под раководство на наставничките  Билјана Стоиловска и Маријана Стоименовска. Свој забележителен настап на овој свечен настан имаа оркестарот на староградска музика "Делчевски Еснафи" и Вокално Инструменталната група Ѓурѓа која работи успешно во рамките на Центарот за култура Н.Ј.Вапцаров од Делчево.

 

Димитар Узунски со придружба на кемене исполни една песна посветена на Гоце и на крајот програмата заврши со настап на најмладата играорна група која работи во рамките на Центарот за култура Н.Ј.Вапцаров, со  изведба на две ора.

Истиот ден делегација на Општина Делчево предводена од страна на Секретарот на општината беше на централното одбележување на датумот на раѓање на Гоце Делчев во црквата Св. Спас во Скопје.

Ваквата традиција на одбележување на значајни историски личности и дадуми ке продолжи и понатаму со уште поголем број на настани.