По 16-ти пат врвот на планината Голак беше гнездо во кое се сместија над 5 000 луѓе од сите краеви на регионот на источна Македонија. Повод за тоа беше празникот посветен на исцелителот Св.Пантелејмон, кој се празнува на 8-ми Август секоја година традиционално, кај манастирот посветен на овој светец.

Верувањето на граѓаните e дека ако дојдат на овој ден и преспијат на планината Голак кај манастирот Св.Пантелејмон цела година ке ги служи здравје и благосостојба. Поради оваа причина секоја година ова место се претвара во вистински  простор за кампување.

 

Во 1995 година Голачките фолклорни средби е воспоставена како традиционална манифестација која до ден денешен се одржува редовно секоја година, а како одраз и манифестација на желбата на посетителите на манастирот за што посвечено одбележување на овој празник.

Голачките фолклорни средби оваа година беа во организација на Националната установа Центар за култура Никола Јонков Вапцаров а под покровителство на Општина Делчево и Градоначалникот г-дин Горан Малешевски, во соработка со Министерството за култура на Р.Македонија. Целата организација на настанот помина беспрекорно добро, во соработка на сите надлежни институции во општината, вклучувајки ги припадниците на МВР од полициската станица од Делчево, пожарникарите од ТППЕ Делчево, Здравниот Дом Гоце Делчев, Црвен Крст од Делчево и се разбира ЕЛС Делчево и Центарот за Култура Никола Јонков Вапцаров.

Фестивалот го отвори традиционално покровителот-Градоначалникот на општина Делчево по што во рамките на ревијалната програма на фестивалот настапи маестро Драган Даутовски и триото Извор.

Од оваа издание на фестивалот тој доби натпреварувачки карактер и во официјалната програма настапија 11 Културно уметнички групи, оркестри, фолклорни и пејачки групи, од Делчево, Македонска Каменица, Благоевград-Р.Бугарија, Оризари, Секирник, Штип, Крива Паланка, Велес и од Рача -Р.Србија.

Најуспешен настап беше прогласен настапот на КУД Љупчо Сантов од с.Оризари Кочанско, а Благодарница и признание за особен придонес за развој на етно музиката му беше доделена на Драган Даутовски. Благодарници и плакети им беа доделени на сите учесници.

Дефинитивно Голачки фолклорни средби е бренд на општина Делчево кој и понатаму треба да се надградува и афирмира, како уникат од ваков карактер на целиот Балкан а можеби и во светот.

Повеќе фотографии од овој настан можете да најдете во нашата галерија на сл. линк тука