На почетокот дозволете ми да Ве поздравам од мое име и од името на Општина Делчево и да Ви посакам добредојде на официјалниот ВЕБ портал на општината.
Интензивни настапи и активности на ФГ Копачка од с.Драмче
Ја врви ФГ „Копачка“ од с. Драмче, својата врвица на 63 - годишното презентирање и афирмирање на пијанечкиот изворен фолкор особено на орото „Копачка“. Годинава тие функционираат преку ЗРА „Пијанечки глас“ Делчево, реализирајки ги активностите на проектите „За да не згасне бисерот Копачка“ и „Заштита на орото Копачка од с. Драмче“, со финансиска подршка од Министерството за култура на РМ за 2010 година.
Изведбата на машкото оро Копачка од с. Драмче, годинава се крева високо на пиедесталот на негување на фолкорните добра, на национално ниво. Имено, членовите на ФГ „Копачка“ како носители на заштитата на сродните права на ова оро, со гордост укажуваат на важноста за правниот процес за оваа фолкорно добро, да биде прогласено со собено значење. Институтот за фолклор „Марко Цепенков“ од Скопје и Управата за заштита на културното наследство при Министерството за култура на РМ, како надлежни институции за спроведување на овој процес, со нескриено задоволство, покрај другото го истакнуваат фактот дека за првпат во Македонија, се прави заштита на фолкорно добро и дека е крајно време подоцна да се заштитат таквите позначајни добра во нашата држава по овој и по примерот на соседните и др. држави. Носителот и надлежните национални институции се сложни со заемна заложба, Владата на РМ треба до крајот на годината и со објавувањето во “Службен весник на РМ“ да го прогласи орото Копачка од с. Драмче за заштитено.
