Врз основа на член 27 од Правилникот за условите, начинот и постапкатаза доделување на финансиска помош на спортски клубови, спортски здруженија, правни лица во областа на спортот и здруженија на граѓани („Сл.гласник на Општина Делчево“ бр.2/2018 и 21/2025), а согласно со Програмата за активностите на Општина Делчево за поддршка на граѓанскиот сектор во 2026 година („Службен гласник на Општина Делчево бр.22/2025) и Записникот од Состанокот на Комисијата за доделување финансиска помош на граѓански здруженија ( 08-123/1 од 15.01.2026), Градоначалникот на Општина Делчево објавува
ЈАВЕН ПОВИК
за доделување финансиска помош на здруженија на граѓани од Општина Делчево за 2026 година
Со цел да се зацврсти и унапреди соработката на Општината со граѓанските организации, Општина Делчево ќе врши распределба на средства од Буџетот на Општината за 2026 година кои се наменети зa финансиска помош на здруженија на граѓани согласно со Правилникот за условите, начинот и постапката за доделување финансиска помош на спортски клубови, спортски здруженија, правни лица во областа на спортот и здруженија на граѓани („Сл.гласник на Општина Делчево“ бр.2/2018 и 21/2025), согласно со Програмата за активностите на Општина Делчево за поддршка на граѓанскиот сектор во 2026 година („Службен гласник на Општина Делчево“ бр. 22/2025) и Записникот од Состанокот на Комисијата за доделување финансиска помош на граѓански здруженија (08-123/1 од 15.01.2026)) и согласно со утврдените критериуми објавени во овој Повик.
Се повикуваат сите граѓански здруженија кои се регистрирани на подрачјето на Општина Делчево, да достават свои апликации во предвидениот рок.
- Приоритетните области и цели за финансирање проектни и програмски активности:
- Локален економски развој;
- техника;
- образование;
- култура;
- уметност;
- социјална заштита;
- заштита на животната средина,
- еднакви можности и
- младински политики.
Предност ќе имаат настани кои се спроведуваат на територијата на Општина Делчево.
- Право на учество имаат сите здруженија на граѓани кои ги исполнуваат следните општи услови:
- Да се регистрирани во согласност со Законот за здруженија и фондации најмалку 1 година пред објавувањето на Повикот;
- Да дејствуваат на територија на Општина Делчево.
- Општи критериуми кои треба да ги исполнуваат граѓанските здруженија кои ќе се пријава на овој Повик:
- Предлог -проектите и програмите да кореспондираат со целите утврдени во стратешките документи, програми и планови на општината, како и со Програмата за еднакви можности на Општина Делчево;
- Предлог- проектите и програмите да се од суштинско значење за подигнување на квалитетот на живеењето на граѓаните во локалната заедница во соодветните области;
- Доделените средства да се користат исклучително за намената за која се бараат и на начин определен во предлог-проектот и програмата.
- Посебни критериуми кои треба да ги исполнуваат граѓанските здруженија кои ќе се пријава на овој повик:
| Критериуми | поени | |
| 1. | Организациски капацитет | 10 |
| 2. | Квалитетот на програмата/проектот | 80 |
| Релевантност на акцијата:
-колку целите кореспондираат со стратешките документи на општината и
-колку целите кореспондираат со Програмата за еднакви можности на жените и мажите на Општина Делчево
|
20
|
|
| 18
2 |
||
| Колку резултатите од активностите се остварливи и мерливи
|
10 | |
| Ефекти во локалната средина (влијание
врз целни групи) |
20 | |
| Видливост на проектот и негова одржливост (медиумска покриеност, број на обучени луѓе итн.) | 15 | |
| Оргиналност и иновативност | 15 | |
| 3. | Буџет (соодветно изразени активности во
буџетот и оправданост на трошоците) |
10 |
- Потребна документација која треба да ја достават граѓанските здруженија :
- тековна состојба од Централен регистар на РСМ не постара од шест месеци (копија или оригинал) ;
- решение за упис во регистарот на Здруженија и фондации (Копија);
- предлог-проект ;
- годишна програма на активности за тековната година;
- извештај за искористени средства од Општина Делчево (за оние кои добиле средства во претходната година);
- профил на организацијата со листа на досега реализирани проекти- CV;
- изјава ододговорното лице на здружението дека за истиот проект нема одобрено или добиено финансиски средства од други институции или организации.
- Временската рамка за спроведување на проектите е до крајот на тековната година, односно до 31.12.2026 година.
- Висината на финансиската помош која поединечно може да ја добие здружението на граѓани во тековната година може да изнесува најмногу до 100.000 денари.
- Рокот за пријавување изнесува 15 дена започнувајќи од 16.01.2026 година, а крајниот рок за поднесување на пријави е 30.01.2026 година.
- Начин на пријавување и адреса на која треба да се достават пријавите
- Пријавата заедно со документација од точка V се доставува до архивата на Општина Делчево, по пошта или во електронска форма.
- Пријавите и документацијата се доставуваат во затворен плик со ознака „Неотварај“ и со назнака „ За Јавен повик за доделување финансиска помош на граѓански здруженија“ до архивата на Општина Делчево или по пошта на ул: „Светозар Марковиќ“ бр.1, Делчево.
- Во електронска форма пријавите и документацијата се праќаат на официјалната електронска адреса на Општина Делчево info@delcevo.gov.mk со назнака со назнака „За Јавен повик за доделување финансиска помош на граѓански здруженија “.
ОПШТИНА ДЕЛЧЕВО
Градоначалник,
Иван Гоцевски