Градоначалник

Горан Трајковски е актуелен градоначалник на Општина Делчево кој доаѓа на функцијата по победата на Локалните избори на 15 октомври 2017 година.

Трајковски е роден во Делчево на 20.07.1971 година, каде завршува основно образование. Средно образование завршува во СОУ „Раде Јовчевски Корчагин“ во Скопје.

Завршил Природно-математички факултет во Скопје група математика. Во 2003 година се вработил во ООУ „Св.Климент Охридски“ како наставник по математика, а во периодот 2007-2009 бил заменик- директор на училиштето. Исто така, бил и член во Управен одбор на НУЦК „Никола Јонков Вапцаров“-Делчево. Во периодот од 2013 до 2017 година бил член во Советот на Општина Делчево како советник од редовите на СДСМ и коалицијата.

Трајковски е оженет и е татко на две ќерки. Активно се служи со англискиот јазик, а хоби му е велосипедизмот и риболовот.

Неговата визија за Општина Делчево е одговорна и услужна општина за сите, општина по мерка на граѓаните:

„Делчево сите нè обврзува бескомпромисно да работиме за да ја сочуваме иднината на Делчево, градот кој со гордост го носи името на револуционерот Гоце Делчев. Почитувајќи ја традицијата и наследството, но со нова енергија во современи услови, да го изградиме нашето родно место во поубаво место на живеење, каде ќе се создаваат нови спомени и ќе живеат задоволни и насмеани граѓани.“

Висината на основната нето месечна плата на Градоначалникот изнесува 51.100 денари.

 

Големина на фонт
Контраст