Општина Делчево потпиша договор со колективниот постапувач „ЕЛ КОЛЕКТ“ за управување со опасен, електронски и електричен отпад. Во рамки на соработката, Општината доби 15 контејнери за мешан комунален отпад, како и 6 сета за селекција на електронски и електричен отпад (кабли, фенови, сијалици и мали апарати за домаќинство). Овие сетови се распределени во двете основни училишта, детската градинка и средното општинско училиште.
Денес, од страна на ЕЛ КОЛЕКТ беше испорачан и еден ЕКО –магацин кој привремено е поставен во дворот на ЈКП „Брегалница“, сè до обезбедување на соодветна трајна локација. Дополнително, поставен е и собирен центар на локацијата на стариот градски пазар во Делчево.
Со цел да се поттикне селекцијата на електричниот отпад, се повикуваат граѓаните да го одложуваат во собирниот центар, каде што ќе има задолжено лице од ЈКП „Брегалница“. Контакт информации ќе бидат истакнати на самиот центар. Во викенд деновите, граѓаните ќе можат отпадот да го оставаат покрај собирниот центар, по што задолженото лице дополнително ќе го внесе и соодветно ќе го одложи во самиот центар.
Инаку, на претходната Седница на Советот на Општина Делчево беше донесена Decision за утврдување локација за поставување собирен центар за електричен и електронски отпад со која беше утврдена локацијата кај стариот градски пазар за поставување собирен центар за електричен и електронски отпад со цел организирано и безбедно собирање, времено складирање и предавање отпадна електрична и електронска опрема.
Собирниот центар ќе служи за бесплатно предавање електричен и електронски отпад од домаќинства, како и отпад од правни лица согласно with законските услови. Отпадната опрема собрана одделно на определеното место, се предава на самостојниот постапувач, односно колективниот постапувач врз основа на склучен договор со градоначалникот на Општината. Општината ќе обезбеди:
- уредување и обележување на просторот,
- поставување соодветни садови/контејнери,
- видеонадзор (доколку е потребно),
- информирање на јавноста.