Во раните утрински часови се спроведе авионското третирање против возрасни комарци на територијата на Општина Делчево. Прскањето беше извршено со Aqua kothrin, кој е широкопојасен инсектицид одобрен од Бирото за лекови, го вршеше лиценцирана фирма за авиоуслуги „Аеро Клуб" Скопје избрана по претходно спроведена тендерска постапка.
Во Делчево се третираше површина од 300 ha, односно на локации по речното корито на Брегалница и Габровчица, централно градско подрачје до езеро „Сандански“, реони и населби во градот и поширокиот опфат на Општината.
Активноста е предвидена во Годишната програма за заштита на населението од заразни и други болести.
