Еколошка акција „Со срце за Голак“

По повод Светскиот денот на животната средина, 5 Јуни, Општина Делчево организира екоакција за чистење на дивите депонии создавани по патот кон Голак, во подножјето на планината,. Под мотото „Со срце за Голак“ и со цел да се даде индивидуален придонес за да се исчисти од ѓубрето нашата планинаска убавица, Општина Делчево ги повикува сите заинтересирани граѓани, институции, здруженија на граѓани да се вклучат во акцијата во која активно учество ќе земат и вработените во Општина Делчево и ЈКП „Брегалница“.

Чистењето на дивите депонии ќе се изведува на 5 локации кои се претходно мапирани од стручните лица од Општина Делчево и членови на Невладината организација Локален младински совет и тоа локации на патниот правец Делчево-Голак од левата и десата страна над манастирскиот комплекс „Света Богородица Балаклија“.

Потребните средства и материјали ги обезбеди Општина Делчево и фирмата „Брегал“ од Делчево, а превозот е организиран од Општина Делчево.  Тргнувањето за Голак е на 5 јуни во 9,00 ч на паркингот пред Спомен-домот АСНОМ.

0Shares
0