По повеќе од четири децении, за прв пат целосно е реконструирана улицата „Велко Влаховиќ“ во населбата Милково Брдо, во должина од 650 метри. Овој проект е од исклучителна важност за жителите на оваа населба, бидејќи конечно добиваат модерна, безбедна и квалитетна сообраќајница, која ќе го олесни секојдневното движење и ќе придонесе за подобар квалитет на живот.
Вкупната вредност на проектот изнесува 7.282.141 денари, а градежните работи успешно ги изведе фирмата СД ТРАНС ДООЕЛ.
„Со оваа инвестиција уште еднаш го потврдуваме нашиот континуиран ангажман за подобрување на локалната инфраструктура и создавање услови кои ќе значат сигурност, функционалност и достоинствено живеење за граѓаните на Делчево. Нашата цел останува иста – да продолжиме со реализација на вакви капитални проекти, кои директно влијаат на секојдневието на нашите сограѓани.“, изјави градоначалникот Трајковски.